Pyaar ya Ehsaan

Tera pyar hai ya sirf ehsaan hai,
Jo karta hai mazboor mujhe,
Bhool jaane ko wo kadvi baatein,
Aur lagane ko tujhko gale.

Per pata kya tera fir se tum
Doosron ki baat mein aajao,
Gayron se naata jod ke tum,
Mujhko fir se bhool jaao

Ki samay laga hai mujhe bahot,
Khud ko itna sambhaalne mein,
Fir kahin dhakel na do tum mujhe,
Wapas unhi gehraaiyon mein

Karna mushkil hai tujh per yakeen
Teri har ek baat banaayi lage,
Jo diye the tumne mujhe har pal,
Un sab dardon ki parchaayi lage

Itna to mai bhi samajhta hun,
Ki dard tujhe bhi hota hai,
Fir bhi mujhko yeh pata nahi,
Ki wo pyaar hai ya tera ehsaan hai